Aðventan

Aðventan eða jólafasta spannar síðustu fjórar vikur fyrir jól. Þetta er sá tími sem við tökum frá til að undirbúa okkur fyrir komu frelsarans og til að minnast fæðingu hans. Einkennislitur aðventunnar samkvæmt Þjóðkirkjunni er fjólublár. Sjálf jólahátíðin ber síðan hvítan eða gylltan lit. Margir setja aðventuljós í glugga á þessum tíma og/eða setja upp aðventukrans sem eru fjögur kerti. Það er kveikt á einu fyrsta sunnudag í aðventu, næst á tveim, þá þrem og loks öllum fjórum. Aðventukransinn á það sameiginlegt með flestu öðru skrauti sem er gert úr greinum sígrænna trjáa að hann er upprunninn í Þýskalandi eða norður Evrópu. Hið sígræna greni táknar lífið, sem er í Kristi. Hin logandi kerti benda til komu Jesú Krists hins lifandi ljós. Spádómskertið það minnir á fyrirheit spámanna Gamla testamentisins, sem höfðu sagt fyrir um komu frelsarans, Immanúel Guð með oss.   Betlehemskertið heitir eftir fæðingarbæ Jesús, og þar sem ekkert rúm var fyrir hann.     Hirðakertið nefnt eftir hirðingjunum sem fátækir og ómenntaðir fengu fyrst fregnina góðu um fæðingu frelsarans.     Englakertið sem minnir okkur á englana sem fluttu fréttina um fæðingu frelsarans. Aðventukertin Við kveikjum einu kerti á. Hans koma nálgast fer sem fyrstu jól í jötu lá og jesúbarnið er Við kveikjum tveimur kertum á  og komu bíðum hans, því drottinn sjálfur soninn þá mun senda í líking manns. Við kveikjum þremur kertum á, því konungs beðið er, þótt Jesús sjálfur jötu og strá á jólun kysi sér. Við kveikjum fjórum kertum á. Brátt kemur gesturinn,  og allar þjóðir þurfa að sjá, að það er frelsarinn. S. Muri/Lilja Kristjánsdóttir